1. |
||||
Boh prychodzić, moc truchleje,
Car niabios u čystym źziańni!
Zmrok haryć, śviatło ciamnieje
Za miažoj abmiežavańnia.
Byŭ śmiarotny, staŭ tryvała
Ŭ viečnaści pa-nad viakami,
Kali Słova Ciełam stała,
Naradziŭšysia miž nami.
Nie zavi raskošu cudam,
Boh radziŭsia nie ŭ pałacy,
Raździaliŭšy z božym ludam
Jaho radaści i pracy.
Jon pakutavaŭ niamała,
Bo vinoj byli my sami,
Kali Słova Ciełam stała,
Naradziŭšysia miž nami.
Pastuchoŭ viaduć anioły,
Kab upali na kaleni
Tam, dzie ŭ jaślach miž žyvioły
Božy Syn lažyć na sienie.
Ščaście biednych napatkała,
Zbaŭca byŭ nie z bahačami,
Kali Słova Ciełam stała,
Naradziŭšysia miž nami.
Mahi rušyli ŭ darohu,
Bo viała ich zorka ščyra,
Kab darunki nieśli Bohu,
Ładan, zołata i miru.
Ich danina pobač źziała
Z pastuchovymi darami,
Kali Słova Ciełam stała,
Naradziŭšysia miž nami.
Źlitujsia, niabiesny Synie,
Z našaj baćkaŭščyny miłaj!
Chto žyvie ŭ Tvajoj krainie,
Achini śviatłom i siłaj.
Abminaje chaj navała
Našy vioski z haradami,
Kali Słova Ciełam stała,
Naradziŭšysia miž nami!
|
||||
2. |
Spuściŭsia haspadar naš
01:43
|
|||
Spuściŭsia haspadar naš
ź niabiesnych vysiaŭ
i ŭ choładzie, ŭ piačory
ucielaśniŭsia.
Moj chłapčynka,
biedačynka,
jak ža zimna,
mabyć, tabie
ŭ jaślach na sienie!
Ciarpiš, aby tolki dać
ludziam zbavieńnie!
Tabie, ŭsiavyšni tvorca
ziamli i nieba,
brakuje u piačorcy
ciapła i chleba!
Naš abrany
zbaŭca kachany,
Ciabie za hetu
biednatu
lublu jšče bolej!
Addanyja Chrystu
ŭsie, chto ŭ niadoli!
|
||||
3. |
Kalady cvyrkuna
02:33
|
|||
Piaje za piečkaj cvyrkunok
Chadzi na ručki, moj synok,
Pra chleb niama j havorački,
Hlań, tam u poli zorački!
Dzieści hareški, piražki,
A ŭ nas ža miesiačyk jaki:
Śviecić praz šyby ceły čas
Lepš, čym dla inšych, jon dla nas.
Nia płač, synok, i ja śpiaju
Dla ciabie viestku dobruju:
My zapražem kata i ŭraz
Jon zaviazie na miesiac nas.
Cacak dastanieš, šyšačak,
Kot załacieńkich myšačak,
Strelbu dastanieš, peŭnieńka,
I załatoha pieŭnika.
Šabielku, a jašče ražok,
Nu i, narešcie, naš ściažok.
Śpi, zasynaj, malečačka,
Jak cvyrkunok za piečačkaj
|
||||
4. |
||||
Chadziemcie, ŭsie viernyja, z radasnym trymcieńniem,
Chadziemcie, śpiašajma u Viflejem,
Śviatkujma, śpiavajma Carova radžeńnie
Chadziemcie, ušanujem
chadziemcie, ušanujem
chadziemcie, ušanujem
Hospada.
Ty hetym rankam cudoŭnym naradziŭsia,
Słova spradviečnaje Boha Ajca,
Učałaviečyŭsia, ŭ płoci abjaviŭsia.
Voś, mahi sačyli na niabiosach zory,
I nieśli Dziciatku śviatyja dary,
My ž svaje sercy Bohu padorym,
Niabiesnyja siły, Anhielskija chory
Chvału na vyšyniach Chrystu piajuć!
Dyk uzdymajma i my sercy uhoru!
|
||||
5. |
Zvon pa-nad zvonam
02:11
|
|||
Zvon pa-nad zvonam a vyšaj
Syple jašče adzin bomy
Hlań u vakno tam kałyša
Nočka kałysku małomu
Betlej, Betlejskija zvany
Anioły – zvanary
Niasuć naviny nam jany
Ty kudy idzieš
Statak svoj viadzieš
Pastušok chadoj imklivaju
Mnie siadzieć niaŭcierp
Ja niasu ŭ vierciep
Syr, vino, tvaroh z alivaju
Betlej, Betlejskija zvany...
Zvon pa-nad zvonam a vyšaj
Vyšaj jašče dva zvanočki
Hlań u vakno tam kałyša
Božaja maci synočka.
Betlej, Betlejskija zvany...
Nočka za vaknom
Śviet spavity snom
Pastušok, idzie darohaju...
Kaža: tak “laču”
Bo addać chaču
Svajo serca siońnia bohu ja
Betlej, Betlejskija zvany...
Zvon pa-nad zvonam – Kalady
Siońnia śviatkujem Rastvo my
Kožny byŭ ščasny i rady
Kožny nios šany małomu
Betlej, Betlejskija zvany...
Betlej, Betlejskija zvany...
|
||||
6. |
Na raždžastvo Chrystova
01:35
|
|||
Na raždžastvo Chrystova –
śviataja nočka!
Maryi, dzievie čystaj,
daŭ boh synočka.
Ŭsie pastuchi z vakolla
niasuć daninu,
kab pryvitać Isusa,
haspodnia syna.
Aniołaŭ załacistych
chor vykštałcony
małomu niemaŭlaci
piaje kancony.
A my piajom kaladku –
pačuj, Isusie,
jak my ciabie šanujem
u Biełarusi.
|
||||
7. |
Aj, o voś malučok
03:25
|
|||
Aj, o voś malučok, mała-malučok
Što lažyć na sałomie
Aj, o voś malučok, mała-malučok
Lubim ciabie ŭsioj dušoj my
U viarciepčyku z arkaj ty adšukaješ
I Maryju ź Jazepam i Niemaŭlaci
Aj, o voś malučok...
Byk i muł, a miž imi Boh naradziŭsia
I u jaślach žabračych loh-prytuliŭsia
Aj, o voś malučok...
Synku moj, nie hladzi ty tak niecikava
Hlań, jak ja na ciabie tut hledžu łaskava
Aj, o voś malučok...
Luby Isusik, kažuć... kažuć: jasi ty
Hrešnikaŭ sercy, što hinuć raźbita
Aj, o voś malučok...
|
||||
8. |
Luli-lu Jazusik
04:55
|
|||
Luli-lu Jazusik, maja piarlinka,
luli dziciatačka maja žyvinka.
Luli-lu Jazusik, luli-lu, lulaj,
ty ŭ płaču suciašaj jaho, Matula.
Luli-lu Jazusik, luli-lu, lulaj,
ty ŭ płaču suciašaj jaho, Matula.
Stomlenyja płačam spluščy paviečki
stomlenyja vusny stuli, malečka.
Luli piakniejšy cudny Aniołak.
luli hažejšy kvietak naŭkoła.
Luli-lu kviet ružy najazdabniejšy,
luli lilei najpryjamniejšy,
Luli pryjemny zorny pramieńčyk
luli śličniejšy sonca ahieńčyk
Dam ja maleńkamu jabłyk pryhožy,
Serca Matulina dam tabie, Boža.
|
||||
9. |
||||
Dobruju viestku nam prynios
I ludziam radaść doryć –
Aniołaŭ chor - piaje z niabios
I małyja dzieci ŭtorać
Piekna kvitnieje dreva žyćcia
Vahniami j ptuškami ŭ holli
U ščyrym pabožnym ščaści dzicia –
Nia stracić jaho anikoli
Radaść znoŭ hościć na ziamli
Z carom niabios niemaŭlatam.
I ty, vierabiejka šery, laci
Da nas na Kaladnaje śviata!
Dzieci ŭ matulaŭ na rukach
Tancujcie j śpiavajcie natchniona:
Da Raju pakaža vam vierny šlach
Zbaviciel narodžany siońnia
Zbaŭca - i sam dziciatkam byŭ
Hladzi: voś jon u kałyscy.
U rajski sad dar aniołavych krył
Adkryje šlachi-tajamnicy.
Niabiesny Car mały lažy,
Daruj viesialicca siły;
U kožnaj dziciačaj čystaj dušy
Chaj buduć aniołavy kryły!
|
||||
10. |
||||
O chvojka-chvoja, chvaina
O viernyja ihołki
I ŭ letni, i ŭ zimovy čas
Ty zielaninaj vabiš nas
O chvojka-chvoja, chvaina
O viernyja ihołki
O chvojka-chvoja, chvaina
O viečnaja uciecha
I navat nie ŭ kaladny čas
Tabie ja rady byŭ nia raz
O chvojka-chvoja, chvaina
O viečnaja uciecha
O chvojka-chvoja, chvaina
O vabny prykład hartu
Ty mnie daješ nie na pakaz
Suciechu j moc u ciažki čas
O chvojka-chvoja, chvaina
O vabny prykład hartu
O chvojka-chvoja, chvaina
O viernyja ihołki
|
||||
11. |
Ŭzyšła u lesie jełačka
01:51
|
|||
Ŭzyšła u lesie jełačka,
U lesie i rasła,
Uzimku, ŭletku strojnaja,
Zialonaja była.
Miacielica joj piesieńku
Piajała: baju-baj,
Maroz śniažkom atulivaŭ:
Hladzi, nie zamiarzaj!
Pužlivy zajčyk šerańki
Pad jełačkaj skakaŭ,
Padčas i voŭk, siardzity voŭk,
Uskoč pierabiahaŭ.
Voś śnieh u lesie dremlučym
Pad połaźziem skrypić,
I konik žvavy, sivieńki
Śpiašajecca, biažyć.
Viazie toj konik sanački,
A ŭ sankach sielanin,
Padjechaŭ jon pad jełačku
I śsiek u mih adzin.
Ciapier jana prybranaja
Na śviata k nam pryjšła
I šmat paciechi, radaści
Dla dzietak pryniasła.
|
||||
12. |
||||
Ŭ Viflejemie ŭ noč Rastva
Siarod ciemry dzień nastaŭ –
Praśviataja
Naradžaje nam Chrysta.
U chlavie, ŭ jaślach Chrystos,
Car ziamli, Ŭładar niabios -
Praśviataja
Utrymać nia moža śloz.
Ni dziaružak, ni tkanin,
Ni pialušak, ni praścin,
Praśviataja,
Kab sahreŭsia Božy Syn.
Nie płač, naša Matula,
Nie płač, naša Matula,
A voś tabie kašula
Praśviataja,
Nie zamierźnie Niemaŭla.
|
||||
13. |
Dudy, dudy
02:07
|
|||
Dudy, dudy hrajuć usiudy,
«Cudy, cudy!», hraje duda.
Chłopčyk nam daroŭ nakuplaŭ,
u matuli hrošyki ŭziaŭ.
Dudy, dudy hrajuć usiudy,
«Du-du-du», huduć samahudy.
Chłopčyk nam dary razdaje,
a huślar kaladki piaje.
Dudy, dudy hrajuć usiudy,
«Tru» dy «tru» – nam trubić truba.
Zaśpiavajma ŭsie jak adzin –
dzień nastaŭ Chrystovych radzin!
Dudy, dudy hrajuć usiudy,
«Cudy, cudy!», hraje duda.
Zaśpiavajma ŭsie jak adzin –
dzień nastaŭ Chrystovych radzin!
|
||||
14. |
||||
Ja na vośliku vušastym
jedu-jedu ŭ Viflejem,
Ja na vośliku vušastym
jedu-jedu ŭ Viflejem.
To chadziem, to chadziem
razam z nami ŭ Viflejem.
Paśviaci mnie, Miłavica,
kab z darohi mnie nia źbicca,
Paśviaci mnie, Miłavica,
kab biaz mapy nie zhubicca.
Dyk chadziem, dyk chadziem
razam z nami ŭ Viflejem.
Ty śpiavaj, maja hitarka,
ty biažy, moj voślik, šparka
Ty śpiavaj, maja hitarka,
ty biažy, moj voślik, šparka.
Hej, chadziem, hej, chadziem
razam z nami ŭ Viflejem.
Tuki tuki tuki tuki,
tuki tuki tuki ta
jedziem-jedziem pahladzieć my
na maleńkaha Chrysta.
Tuki tuki tuki tuki,
tuki tuki tuki tu
jedziem-jedziem pakłanicca my
maleńkamu Chrystu.
Ja na vośliku vušastym
jedu-jedu ŭ Viflejem...
|
||||
15. |
||||
Dobry viečar tabie, panie haspadaru!
Radujsia! Oj, radujsia ziemla!
Syn Božy naradziŭsia!
Zaściłajcie stoły – usie kolki majem!
Radujsia...
Daj kładzicie kałačy śviatoje pšanicy!
Radujsia...
Daj pryjšli k nam že try śviaty ŭ hości!
Radujsia...
Daj pieršaje śviata Chrystova Radžeńnie
Radujsia...
A druhoje śviata Śviatoha Vasila
Radujsia...
A treciaje śviata – Śviatoje Chryščeńnie
Radujsia...
|
Алесь Чумакоў / Alieś Čumakoŭ Minsk, Belarus
Vocalist and multi-instrumentalist from Minsk, Belarus.
Since 2002 vocal, shawms, gusli (Baltic Psaltery), rebec,
hurdy-gurdy etc of STARY OLSA medieval music band.
With STARY OLSA had released 8 albums and 3 live CDs.
Since 2005 plays
in his own Celtic music band CEILIDH CEOL. And had released 2 albums.
Since 2019 had started his gusli project with the first release - Christmas Carols album.
... more
Contact Алесь Чумакоў / Alieś Čumakoŭ
Streaming and Download help
If you like Zaśpiavajma ŭsie jak adzin, you may also like:
Bandcamp Daily your guide to the world of Bandcamp